طب بالعامية

أنا عندى زهايمر؟!

Advertisements

كلمة بنستخدمها كتير فى حياتنا اليومية: نسيت مفاتيح العربية ، او نسيت تبعت رسالة لحد ، بتقول انا عندى زهايمر! بس فى الحقيقة الموضوع اخطر من كده بكثير!!


مرض الزهايمر ده بيدمر خلايا المخ تدريجيا و بيتسبب فى موتها وضمورها. و الزهايمر من اهم اسباب ما يسمى بالخرف.
أهم عرض بنلاحظه على مريض الزهايمر هو فقدان و اضطراب فى الذاكرة و خصوصا للمواقف و النقاشات الحديثة ، ينسى هو أكل إيه أو عمل ايه الصبح أو حط هدومه أو مفاتيحه فين بالاضافة الى عدم اتزان الفكر وعدم القدرة على اتخاذ قرارات صائبة ،وبيبدأ يحصل تغير ملحوظ فى تصرفات المريض و تعاملاته الاجتماعية لحد ما يفقد قدرته على الحفاظ على وضعه الاجتماعى فممكن يبدأ يلبس لبس مش مظبوط أو يقوم بأفعال غير لائقة.


مرض الزهايمر ليس له سبب واضح و صريح و لكن هناك عدة عوامل تؤدى لحدوث المرض و من اهمها :
1- العمر (وفقا لاخر دراسات منظمة الصحة العالمية) ثبت ان من كل 1000 شخص يتراوح عمرهم بين(65-74) عاما يتم تشخيص حالتين وما بين (75-84) عاما يتم تشخيص 11 حالة و (اكثر من 85) عاما يتم تشخيص 37 حالة.


2- العامل الوراثى – جينات معينة في عائلات معينة!


3- اصابات الرأس – وخصوصاً الخبطات المتكررة.


4- بعض امراض القلب.


اخيرا بقا احنا منقدرش نمنع المرض ده بس نقدر نقلل نسبة حدوثه و ده اللى هنعرفه بالتفصيل مع بعض ان شاء الله

Advertisements
زر الذهاب إلى الأعلى