طب بالعامية

اللحوم المصنعة والسرطان

بيأكل سوسيس ولانشون وببيروني وهوت دوج؟! هى بتجيب سرطان؟!

طيب تعرف ان منظمة الصحة العالمية اعتبرتهم مسبب مباشر للسرطانات؟! (خصوصا سرطان القولون)!

التقرير اللي اتنشر سنة ٢٠١٥ عن الوكالة الدولية لأبحاث السرطان بناءا على أبحاث كتير اتعملت عن علاقة اللحوم المصنعة بالسرطان وجد علاقة قوية جدا بين الاثنين ، لدرجة تخلي اقتناعنا بإن اللحوم المصنعة دي بتسبب السرطان هو نفس قوة اقتناعنا ان التدخين والكحوليات بتسبب السرطان!! (مع فرق نوع السرطان واحتمال حدوثه طبعا)

يعني إيه؟؟

يعني لو تعرف الكلام ده من قبل كده يبقى خير ، زمانك بطلت!

لو ماتعرفهوش.. يبقى بطل تاكل اللحوم المصنعة (إلا في أضيق الحدود لو ضروري).

ماتصدقش أغلب الكلام اللي بيجيلك عالواتساب ان البلاستيك في الفريزر بيجيب سرطان ، وإن الميكروويف بيجيب سرطان ، وإن استعمال الموبايل بيجيب سرطان!!

كل الحاجات دي متألفة!! لكن اللحوم المصنعة بتجيب سرطان!

نقول كمان: اللحوم المصنعة بتجيب سرطان!!

اللحوم المصنعة بتجيب سرطان!!

د.محمد منصور

دكتور محمد منصور طبيب الباطنة والكلى مستشفيات جامعة ليستر - بريطانيا مؤسس قناة و موقع الدكتور

اترك تعليقاً

زر الذهاب إلى الأعلى