بالتأكيد كلنا أخذنا مضاد حيوي لسبب أو لآخر ، لكن حد فينا تخيل إن ممكن المضاد الحيوي دا ما يبقاش فعال؟ و لو مناعتنا ما كانتش قوية كفاية أو لو العدوى نفسها كانت شديدة ممكن نموت؟
للأسف ربما نكون في طريقنا لهذا المصيرِ المرعب و العصر الذهبي للمضادات الحيوية اللي بدأ في خمسينات القرن الماضي و لغاية دلوقتي على وشك أن ينتهي ، طيب ليه؟! ما كل حاجة كانت زي الفل ينتهي ازاي؟
الفكرة إن البكتريا كائن حي هي كمان و بتقدر تطور طرق تحمي بيها نفسها من المضاد الحيوي و كمان بتنقل الطرق دي لسلالات البكتيريا الثانية كل اللي هي محتاجاه عشان تعمل كدا هو إنها تكون شافت المضاد الحيوي دا قبل كدا دا معناه إن من أول مضاد حيوي ظهر و المقاومة ابتدت تظهر هي كمان طب اشمعنا دلوقتي يعني اللي خايفين؟!
زمان كان معدل اكتشاف و تطوير المضادات الحيوية كبير جداً ، كل شوية كان بيطلع واحد جديد فايه المشكلة أما واحد و لا اثنين يحصل لهم مقاومة؟ عادي ماحنا لسة عندنا كثير لكن دلوقتي للأسف ماعدناش بنطور مضادات حيوية جديدة كل أسلحتنا الفتاكة تم كشفها.
طب نعمل ايه؟!
1- أول حاجة ما ناخدش مضاد حيوى غير لما الطبيب يوصفه ،المضاد الحيوي دا اتعمل عشان يعالج العدوى البكتيرية فقط ،نحط تحت “العدوى البكتيرية” دي خط و تعالوا نشوف احنا بنعمل ايه البرد مثلاً مش عدوى بكتيرية إطلاقاً و لذلك حباية البرد و حقنة البرد دي أسوأ شيء ممكن حد يعمله لإن بيتحط فيها مضاد حيوي برضو وده أحد الأسلحة الفتاكة اللي بتتسف عندنا في مصر للأسف الشديد وهو “Averozolid”و أمثاله و الدواء دا أشد الأدوية فتكا بسلالات بكتيرية مافيش حاجة بتأثر فيها غيره لما نستخدمه عمال على بطال و يحصل منه مقاومة دي تبقى كارثة.
2- تانى حاجة لازم نكمل كورس المضاد الحيويى ، الكورس مش شريط و لا علبة كل عدوى بكتيرية لها الكورس الخاص بها فنتبع تعليمات الطبيب/الصيدلي و ما نوقفش المضاد الحيوي من عند نفسنا لمجرد حسينا الأعراض خفت ولو تعرفوا أي حد بيستخدم المضادات الحيوية بكثرة شاركوا معاه الكلام دا و دعونا ننشر الوعي سويًا.
دمتم سالمين و أصحاء دومًا.
