كل يوم بنسمع عن مريض توفى بسبب سكتة قلبية
طب هى ايه السكتة القلبية ؟
دى حالة مرضية نتيجه اضطرابات فى كهرباء القلب تتسبب فى توقف وظائف القلب و التنفس و فقدان الوعى
السكتة القلبية دى من الحالات التى تستلزم التعامل معها بأسرع شكل عن طريق “(Cardiopulmonary resuscitation (CPR ” لإنعاش القلب و الرئه و ده بيتم عن طريق الضغط على منطقة الصدر عدة مرات و الهدف الاساسى منه هو الحفاظ على سريان الدم للوصول الى المخ و اعادة التنفس للمريض
السكتة القلبية عادة بتحصل فجأة بس احيانا بيكون فى اعراض تدل عليها زى ايه؟
1-ألم شديد فى منطقة الصدر
2-عدم انتظام النبض
3-النفس القصير
4-دوخة او اغماء
بالتالى لو لاحظت اى عرض من الأعراض دى على نفسك او على شخص اخر اتصل بالاسعاف فى لحظتها.
هتسأل نفسك ايه الفائدة من الكلام ده؟
ببساطه تخيل انك من معلومة بسيطه زى دى ممكن تكون سبب فى انقاذ حياة انسان ؛ و الانسان ده ممكن يكون شخص قريب منك جدا و عزيز عليك.
شارك المعلومة عشان تفيد غيرك ويقدر ينقذ حياة إنسان
