طب بالعامية

الحروق وكيفية التعامل معها

هنتكلم النهاردة عن الحروق و ازاى تتصرف بشكل صحيح فى حالة تعرضك او تعرض من حولك للاصابة بحرق.

الحروق هى واحدة من أكثر الحوادث و الاصابات التى تحدث فى المنازل خاصة للأطفال ، و كلمة حرق مش بس معناها احساس بالألم لكن بيحصل تلف فى انسجة الجلد و بيختلف نوع الحرق حسب درجة و شدة التلف ، فى 3 انواع او درجات من الحروق بتختلف حسب شدتها من الدرجة الاولى و الثانية و الثالثة الى اشدهم ضرر و خطورة و هى الحروق من الدرجة الرابعة.

الدرجة الاولى: احمرار الجلد فقط (لا تتكون فقاعات)

الدرجة الثانية: فقاعات و زيادة سمك الجلد فى بعض المناطق

الدرجة الثالثة: جفاف الجلد و ميله الى اللون الابيض

الدرجة الرابعة: نفس أعراض الدرجة الثالثة لكنها تمتد تحت الجلد لتأثر على الاوتار و العظام.

فى اسباب كتير مسئولة عن حدوث الحروق و هى -السوائل الساخنة -مواد كيميائية -تيار كهربى -اى مصدر للنار و اللهب -و ممكن نتيجة التعرض الزائد لأشعة الشمس.

طيب نقدر نتصرف ازاى مع الحروق؟ 1-عزل المصدر المسئول عن الحرق باسرع طريقة ممكنة 2- خلع الملابس و المجوهرات (خاتم، دبلة،اساور،ساعة) حول منطقة الحرق مع تجنب حدوث اى احتكاك 3-تعريض المنطقة المصابة للمياه الجارية لمده لا تقل عن 15دقيقة ( لا نستخدم الثلج ابدا) 4-تغطية الحرق بلزقة طبية لمنع الاحتكاك 5-فى حالة ان الألم غير محتمل بنستخدم بعض المسكنات و افضلهم “Paracetamol Or Ibuprofen “

إذا كان الحرق حصل فى منطقة الوجه يفضل الجلوس عن الاستلقاء لأن ده بيساعد فى الحد من الورم.

طيب بعد ما تعمل الخطوات السابقة تبدأ تشوف هل لازم تروح المستشفى ولا لأ؟ يتوجب الذهاب للمستشفى فى الحالات الاتية: -لو مساحة الحرق اكبر من كف اليد -تغير لون الجلد الى الابيض او الاسود -فى حالة تكون فقاعات بها سائل -فى جميع حالات الحروق الكيميائية او الكهربيةو يفضل الاستشارة الطبية فى حالة ان المصاب عمره تجاوز ال 60 عام او طفل تحت سن ال 5اعوام او فى حالة الحمل.

اخيرا. نرجو الانتباه على اطفالنا و ابعادهم عن اى مصدر للنار سواء اعواد الثقاب ، الولاعات ، الشمع و غيرها و كذلك تغطية فتحات الكهرباء الغير مستخدمة و سهل الوصول اليها.

اترك تعليقاً

زر الذهاب إلى الأعلى