طب بالعامية

14 نصيحة طبية

١٤ نصيحة طبية أنا عيان
14 نصيحة طبية

خلي عندك نوتة

نصيحة (1) لما تشتكي من شوية الأعراض اللي بتجيلك بإستمرار شوية وتروح دي ماتقولش أنا عيان ومريض وبعد كده تهدا وخلاص وكأن مفيش حاجة حصلت لك حاول متنسهاش وخلي عندك نوتة خاصة بك أكتب فيها مشاكلك الطبية وتاريخك المرضي عشان لما تروح في أي وقت عند الدكتور تكون جاهزة معاك

>>> اقرأ أيضًا: حفظ الطعام بأمان يحميك من 200 مرض

نوتة
نصيحة طبية خلي عندك نوتة

ما تطنش الأعراض

نصيحة (2) ماتطنش المرض وخلي بالك على صحتك ده ربنا سبحانه وتعالى عطالك إنذارات في جسمك إسمها الأعراض لازم تهتم وتراعي دي الصحة تاج على رؤوس الأصحاء ما بيشوفوش إلا المرضى

>>> اقرأ أيضًا: أمان باراسيتامول يخليه رقم 1

الأعراض
نصيحة طبية ما تطنش الأعراض

اعرف سبب الأعراض

نصيحة (3) حاول تعرف إيه سبب أعراض مرضك ده وتروح للدكتور في أقرب وقت ممكن عشان تطمن على نفسك وعلى صحتك ولو دخلت على النت وقرأت عنها مش كفاية ولازم تتأكد من صحة المعلومات اللي قرأتها أو على الأقل تسأل الدكتور أونلاين

سبب
نصيحة طبية اعرف سبب الأعراض

اللي يعالجك الدكتور

نصيحة (4) لو روحت للصيدلي تشتكيله مرضك لازم تفهم كويس إن الصيدلي شغلته يصرفلك الدواء ويفهمهولك لكن اللي يعالجك ويشخص حالتك كويس لازم يكون الدكتور

الدكتور
نصيحة طبية اللي يعالجك الدكتور

متنساش تجيب النوتة معاك

نصيحة (5) لو نويت تروح للدكتور خلاص متنساش تجيب معاك النوتة اللي قولت لك عليها من شوية أو على الأقل تكتب في ورقة تاخدها معاك وبخط واضح كل أعراض مرضك اللي عندك واللي بتحس بها عشان ممكن تروح عند الدكتور وتنسى كل حاجة كنت عايز تقولها له

تجيب
نصيحة طبية متنساش تجيب النوتة معاك

الدكتور ما عندوش وقت

نصيحة (6) مش كل الدكاترة عندهم وقت عشان يسمعوك كويس عشان كده لازم لما تعطي الدكتور الورقة أو النوتة اللي فيها كل تاريخك المرضي فلو عندك أمراض مزمنة أو بتاخد أدوية بإستمرار يا إما تكتبها هي كمان يا إما تجيبها معاك هي والتحاليل والأشعة والفحوصات اللي كنت عملتها قبل كده

وقت
نصيحة طبية الدكتور ما عندوش وقت

روح للدكتور التاني

نصيحة (7) لو روحت للدكتور وما استريحتش له أو لعلاجه إنك تروح للدكتور التاني بس ما تقولش له حاجة عن زيارتك لزميله الدكتور الأولاني أو لعلاجه عشان ما تأثرش على رأيه وتشخيصه لك

التاني
نصيحة طبية روح للدكتور التاني

قول له وما تنساش تسأله

نصيحة (8) بعد كده لما تطمن له ممكن تقوله لأن ده حيفيده في حالتك وفي حالات تانية غيرك ولو كتب لك روشتة ما تنساش تسأله يقول لك إسم الدواء وجرعته بصوته والمدة بالضبط وتستأذنه إنك تبعتله الروشتة والدواء اللي إشتريته عشان يراجعهولك على الواتساب مثلاً وتطمن إن العلاج مضبوط

قول
نصيحة طبية قول له ومتنساش تسأله

حاول تفهم الأدوية

نصيحة (9) حاول تفهم من الدكتور ومن الصيدلي تفاعلات الأدوية مع بعضها ومع بعض الأعشاب وكمان ممكن مع الأكل والشرب وإزاي تبعد الأدوية وما تخدهاش مع بعض عشان ممكن يحصل لك مضاعفات وممكن تكون خطيرة عشان كده بنصحك تسيب ساعة على الأقل بين كل دواء والتاني دائما زي لو قال لك الدكتور خد الدواء الفلاني والدواء العلاني ثلاث مرات يومياً وما قالش لك حاجة لكن لو قال لك خدهم مع بعض تسمع كلامه عشان هو أدرى

الأدوية
نصيحة طبية حاول تفهم الأدوية

خليك مع الصيدلي الشاطر

نصيحة (10) لو روحت الصيدلية عشان تشتري الأدوية دائماً إتأكد إنك واقف مع صيدلي مش مساعد وحاول يكون عندك صيدلي شاطر تكون واثق في علمه وخبرته فلو الدكتور وصف لك أدوية غالية ومش قادر تشتريها أوعى ماتجبهاش وروح للصيدلي الشاطر اللي قولتلك عليه يغيرهولك بأرخص بس تقول له يكون مثيل مش بديل يعني نفس المادة الفعالة اللي كتبها الدكتور

الصيدلي
نصيحة طبية خليك مع الصيدلي الشاطر

الجرعة في الميعاد

نصيحة (11) إمشي كويس على تعليمات الدكتور وتوضيح الصيدلي بالنسبة للجرعة وحاول تأخد الجرعة في نفس الميعاد بالضبط أو قبلها بشوية مش بعدها

الميعاد
نصيحة طبية الجرعة في الميعاد

ما تسيبش الدواء

نصيحة (12) لو قرأت نشرة الدواء ماتفكرش إن الأعراض الجانبية دي لازم تجيلك وما تسيبش الدواء أبداً إلا لو فعلاً كان فيه سبب قوي وطبعاً تراجع دكتورك زي ما قولت لك من شوية بالتليفون أو على الأقل واتساب مثلاً

>>> اقرأ أيضًا: أشكال الفطر الأسود ال 5

الدواء
نصيحة طبية ما تسيبش الدواء

روح الإستشارة

نصيحة (13) لو الدكتور عطالك ميعاد إستشارة ماتكسلش عشان أي سبب لا معنوي ولا مادي وتحس إنك خلاص عرفت السر الحربي بتاع مرضك ومعاك الدواء ومش محتاج تروحله تاني وخلي بالك الدواء ده ممكن يكون سم لو ما أخدتوش بجرعته الصح ومدته الصح وممكن يضرك وماينفعكش

الإستشارة
نصيحة طبية روح الإستشارة

خلي بالك على صحتك

نصيحة (14) عايز أقولها لك خلي بالك ربنا حيحاسبك لو ماحفظتش على صحتك فلازم تحمده عليها وتحافظ عليها

حيحاسبك
نصيحة طبية خلي بالك على صحتك
المصدر
للإستزادة عن رعاية المريض والمعلومات الصحية

محمد أنور | MhmdAnwr

محمد أنور | MhmdAnwr محب للعلم ومتعدد الشغف لازلت أتابع البحث عن المعلومات الصحيحة من مصادرها الأصلية في عدة مجالات ولأكثر من 12 عام استمتع بعلوم الطب والصحة ...

اترك تعليقاً

زر الذهاب إلى الأعلى