طب بالعامية

أسباب آلام الظهر وطرق علاجها

Advertisements

كثير مننا حصل له ألم في الظهر لسبب أو لآخر بسبب إجهاد في تمرين أو في شغل قعد فيه لفترة طويلة أو حركة عنيفة أو إصابة.

حنقول النهاردة أسباب ألم الظهر و علاجه و بعض النصائح للتخفيف من الألم و تجنب حدوثه.

الأول الأسباب:1-إجهاد العضلات و الأربطة: و دا ممكن يحصل بسبب رفع أوزان ثقيلة بشكل غير صحيح أو بسبب حركة عنيفة مفاجئة أو تمرينة غلط. 2-تمزق أو تورم في الغضاريف. 3-انزلاق غضروفي: تحرك أحد الغضاريف من مكانها مما يؤدي إلى ضغط على الأعصاب و يسبب ألم شديد و حاد في أسفل الظهر و الرجل ( عرق النسا ). 4-بعض العيوب الخلقية في الهيكل العظمي زي انحناء العمود الفقري. 5-هشاشة العظام لإنها ممكن تخلي الفقرات أكثر عرضة للكسر.

بس لحسن الحظ أغلب حالات ألم الظهر مش بتكون خطيرة و بتروح بعد بضعة أسابيع من الراحة و تناول الأدوية المسكنة و الأدوية باسطة العضلات ، و برضو عشان نخفف الألم أو نتجنب حدوثه من الأول ممكن نعمل الحاجات دي: 1-ممارسة الرياضة بشكل منتظم و لو احنا بنعاني من آلام الظهر نحاول نختار الأنشطة اللي مش حتجهد عضلاتنا زي المشي أو السباحة. 2-المحافظة على وزن صحي لإن الوزن الزايد حيزود الحمل على عضلات الظهر. 3-الوقوف بشكل صحيح ، نقف ظهرنا مفرود و نحاول ما نقفش فترات طويلة. 4-نبدل موضع القدمين كل فترة و احنا واقفين. 5-الجلوس بشكل صحيح. 6-نحاول نقعد على كرسي مسنده مريح للظهر. 7-ممكن نحط مخدة صغيرة أسفل الظهر. 8-رفع الأشياء بشكل صحيح ، لو حنرفع حاجة من على الأرض نحني ركبتنا و احنا نازلين مش ظهرنا ، لازم ظهرنا يكون مفرود ، ننزل بوضعية شبه وضعية الاسكوات كدا.

شاركوا البوست مع العائلة و الأصدقاء و دمتم سالمين و أصحاء.

Advertisements
زر الذهاب إلى الأعلى