طب بالعامية

الالتهاب السحائى أو الحمى الشوكية

Advertisements

هو عبارة عن التهاب الأغشية المحيطة بالمخ و الحبل الشوكي ( السحايا ) ، الموضوع دا بيحصل بسبب عدوى إما فيروسية أو بكتيرية و في بعض الحالات فطرية ( في حالة المناعة الضعيفة جدًا ).

حالات العدوى الفيروسية بتكون أخف و بيتماثل الطفل للشفاء في خلال أسبوع و مالهاش علاج خاص و إنما بنعتمد على تخفيف الأعراض و الراحة ، أما التهاب السحايا البكتيري فيحتاج تدخل بالمضادات الحيوية.

طيب امتى أشك إن عندي التهاب سحائي؟

لو كان عندي ارتفاع في درجة الحرارة ، قئ و غثيان ، صداع شديد ، تصلّب في الرقبة ، تشوش ذهني و عدم قدرة على التّركيز ، تشنجات حساسية للضوء ؛ لو لقيت الأعراض دي يبقى أروح للطبيب عشان يأكد التّشخيص و يبدأ العلاج في أسرع وقت.

طيب ممكن أعمل ايه عشان أحمي نفسي و عائلتي من عدوى الالتهاب السحائي؟

أولا نغسل ايدينا كويس عشان نمنع انتقال العدوى ، برضو نراعي عدم مشاركة أدوات النظافة الشخصية مع حد ، تقوية جهاز المناعة عن طريق ممارسة الرياضة و الحصول على قدر كافي من النوم و اتباع حمية غذائية متوازنة ، الحصول على التطعيمات اللازمة للوقاية من التهاب السحايا البكتيري.

و دمتم سالمين و أصحاء.

Advertisements
زر الذهاب إلى الأعلى