التهاب الحفاضات من أكثر المشاكل شيوعًا عند الأطفال ، و ممكن يكون ليه كذا سبب.
1-التهاب جلد الطفل بسبب التعرض المطول للبراز أو البول ( زي في حالة إن احنا ما نغيرش الحفاضة بانتظام أو إن الطفل يكون عنده إسهال). 2-لو الحفاضة ضيقة جدًا على الطفل ممكن تعمل التهابات بسبب الاحتكاك. 3-تغيير نوع الحفاضة ممكن يتحسس منه جلد الطفل. 4-تغيير أكل الطفل. 5-عدوى بكتيرية أو فطرية. 6-المضادات الحيوية قد تزيد من خطر الإصابة بعدوى فطرية أو من حدوث إسهال.
طيب ازاي نقدر نتجنب حدوث التهاب الحفاضات؟
1-نغير الحفاضة بانتظام. 2-نراعي إننا نجفف المنطقة كويس قبل ما نلبس الطفل الحفاضة النظيفة. 3-لو الموضوع بيتكرر كثير ممكن نستخدم كريم مرطب مع كل مرة نغير للطفل فيها ( حنلاقي الكريمات المخصصة لالتهاب الحفاضات فيها مادة الزينك أوكسايد). 4-ساعات بنستخدم بودرة تالك بدل الكريمات و لكن استخدام الكريم أفضل لإن لو الطفل استنشق البودرة ممكن دا يعمل تهيج للرئة. 5-في حالة إن الالتهاب ما خفش بالخطوات اللي احنا قلنا عليها دي من الممكن استخدام كريم يحتوي على “الهايدروكورتيزون ١٪” أو كريم يحتوي على مضاد حيوي أو مضاد للفطريات في حالة وجود عدوى بكتيرية أو فطرية.
و في نهاية البوست شاركوا المعلومات دي مع العائلة و الأصدقاء و دمتم سالمين و أصحاء.
