طب بالعامية

الشد العضلى

Advertisements

كل بيت فيه واحد او اثنين بيلعبوا كورة ، كام مرة جالك شد عضلى و انت بتلعب او بتجرى؟!

الشد العضلى ده بيبقا انقباض مفاجئ فى عضلات الجسم و بيسبب ألم شديد فى العضلات و عدم القدرة على تحريكها مع الإحساس بكتلة تحت الجلد ، عادة الشد العضلى بيحصل فى عضلات الفخذ و الساق و مش بيحتاج علاج و الألم بيتحسن عن طريق التدليك و الحركة الخفيفة و بيختفى بمرور الوقت.

أمتى لازم تروح للدكتور؟

لو الألم غير محتمل ، ملاحظة ورم و احمرار الجلد ، تكرار حدوث الشد العضلى و استمراره لفترة طويلة.

اهم أسباب الشد العضلى هى المجهود العنيف و نقص سوائل الجسم و الثبات فى وضعية معينة لفترة طويلة وممكن يحصل نتيجة بعض المشاكل الصحية مثل ضيق الشرايين المسئولة عن وصول الدم للعضلات ، الضغط على الاعصاب فى العمود الفقرى ، سوء التغذية و نقص معادن الجسم مثل البوتاسيوم والكالسيوم و الماغنيسيوم ؛ مرضى السكر و من يعانون من مشاكل فى الكبد و الاعصاب معرضين للشد العضلى اكثر من غيرهم من الناس.

عشان نمنع حدوث الشد العضلى لازم نحافظ على شرب السوائل بكثرة و بإنتظام على مدار اليوم و القيام ببعض تمارين الاطالة و تمدد العضلات قبل القيام بأى مجهود عنيف او التحميل على عضلات الجسم

Advertisements
زر الذهاب إلى الأعلى