نبدأ النّهاردة بمجموعة اسمها مضادّات الذّهان..
✔ عشان نفهم الأدوية دي بتشتغل ازاي لازم الأوّل نعرف يعني ايه ذُهان..؟
الذّهان هُوَ أشبه ما يكون بالانفصال عن الواقع..
لإنّ الأشخاص اللي بيعانوا منه بتكون أعراضهم الأساسيّة حاجتين:
???? هلوسة: و هي سماع أو رؤية أشياء غير موجودة في الحقيقة..
???? ضلالات: و هي اعتقاد أفكار خاطئة.. مثل اعتقاد أنّ أحدهم يكرهُك أو يُضمِر لك السّوء أو أنّ الناس تسخر منك.. الخ
و الذّهان هو العرض الأساسي لمجموعة من الاضطرابات النّفسية و هي الاضطرابات النّفسية الذّهانيّة و اللي أشهرها مرض الفصام ( schizophrenia )
و غيرها كثير زيّ:
???? الاضطراب فصامي الشّكل ( schizophreniform disorder )
???? الاضطراب الفصامي العاطفي ( schizoaffective disorder )
???? الاضطراب الضّلالي ( delusional disorder )
???? الاضطراب الذّهاني الوجيز ( brief psychotic disorder )
مش حنطوّل عليكم في الأنواع و حنكتفي بذكر أشهرها لو حدّ حابب يبحث باستزادة في الموضوع..
✔️ الحاجة المهمّة اللي المفروض نعرفها هي إنّ أحد النّظريات اللي بتفسّر حدوث الذّهان هي نظريّة الدوبامين ( dopamine hypotheses ).. و دي بتقول إنّ الهلوسة و الضلالات دول بيحصلوا لمّا الدوبامين بيعلى في مناطق معيّنة من الدّماغ.. عشان كدا مضادّات الذّهان ماهي إلّا مضادّات للدّوبامين.. و بعض مضادات الذّهان القديمة ممكن تستخدم للقولون العصبي و التّرجيع..
✔️ عندنا جيلين من مضادات الذّهان:
???? الجيل الأوّل زيّ
???? كلوربرومازين
???? هالوبيريدول
????سولبرايد
???? الجيل الثاني و هو المستخدم بشكل أوسع دلوقتي:
????كلوزابين
????ريسبريدون
???? باليبريدون
???? أريبيبرازول
???? أولانزابين
✔️ ايه هي الآثار الجانبيّة للأدوية دي..؟
???? النّعاس
???? زيادة الوزن ( أكثر مع الجيل الثّاني )
???? زيادة خطر الإصابة بالسكر ( أكثر مع الجيل الثّاني )
???? اضطرابات في الحركة ( أكثر مع الجيل الأوّل )
???? إمساك، زغللة في الرؤية، جفاف في الفم..
???? زيادة إفراز البرولاكتين..
???? مافيش من الآثار الجانبيّة دي إدمان.. أبدًا.. عشان دي أحد الأفكار الخاطئة عن الأدوية النّفسية بشكل عامّ..
✔️ ازاي الطبيب بيتحكّم في الأعراض دي..؟
الآثار الجانبية بتكون مختلفة ( في حدّتها ) من دواء لدواء مش بس من جيل لجيل.. و أيضًا من شخص لشخص.. لذلك في عدّة استراتيجيات متبعة على حسب حدّة الأعراض دي:
???? الطبيب ممكن يقلّل الجرعة أو عدد مرات أخذ الدّواء لغاية ما يوصل للاستجابة المرجوّة..
???? ممكن ينقل على دواء ثاني.. عشان كدا دايمًا بنقول للنّاس مش معنى إنّ أوّل دواء جرّبته ما جابش نتيجة إنّك تفقد الأمل لا.. دا غلط.. ساعات التّجربة الأولى ما بتكونش فعّالة.. بنسمّي كلّ تجربة antipsychotic trial و غالبًا مدّتها لا تقلّ عن شهر..
???? ممكن يبدأ يوصف أدوية ثانية مع مضادّ الذّهان لتخفيف الآثار الجانبية..
✔️ بعض مضادّات الذّهان بتستخدم في اضطرابات نفسيّة ثانية غير ذهانيّة ( زيّ التوحّد و الوسواس القهري و بعض اضطرابات الشّخصية ).. مافيهاش ذهان.. لإنّها بتعالج التهيّج أو العُنف المُصاحب للاضطرابات دي.. و برضو بتستخدم في علاج الاضطراب ثنائي القطب..
لذلك مضادّات الذهان مش أدوية بياخذها المجانين.. و مفيش اضطراب في الطّب النّفسي اسمه الجنون..
لو مهتمّين أكثر أنصحكم تبحثوا في الموضوع بأنفسكم و كمان اتفرّجوا على فيلم A beautiful mind..
حتلاقوا إنّ الإنسان المصاب بالذّهان قد يكون إنسان ذكي جدًّا و ناجح أكاديميًّا مش مجنون أبدًا..
و طبعًا شيّروا البوست و كونوا رُسُلَ المعرِفَة لأصدِقائِكُم و عائِلاتِكُم.. ????
و دمتم سالمين و أصحّاء.. ????????
