كثير مننا بيربوا قطط فى منازلهم ؛ و بيكون فى اختلاط كامل بين القطط و أولادنا.
طيب عمرك فكرت ان القطط دى ممكن تنقلك و تنقل لأولادك عدوى أو مرض؟
أكثر من 50% من القطط بتحمل بكتيريا اسمه “Bartonella henselae” و العدوى دى ما بتظهرش ولا بتظهر أى اعراض على القطط لكن ممكن تتنقل بسهولة للناس لو تعرضوا للعض أو الخربشة من القطط المصابة.
أهم أعراض المرض: -ورم و انتفاخ خصوصا فى منطقة الرقبة و الاطراف العلوية -حمى -صداع -اجهاد و فقد الشهية.
لو لاحظت أى عرض من دول عليك او على حد من اولادك يفضل زيارة الطبيب فى أسرع وقت.
عشان تقى نفسك و أولادك لازم تهتم بنظافة القطة و الذهاب للطبيب البيطرى بشكل دورى و التأكد من حصول القطة على جميع التطعيمات و الأمصال المطلوبة و تجنب التعرض للعض او الخربشة على قدر الامكان.
