طب بالعامية

هل عندى فرصة ابطل تدخين لو بدخن من 30 سنة ؟

Advertisements

بمناسبة ان الفيس بوك اليومين دول كله صور للناس بعد ما يكبرو في العمر 20 أو 30 سنة بفضل التطبيق المبتكر”Face_ App”
حبيت أقولكم ان ده مش اختراع جديد ولا حاجة وان كتير من الناس عارفة شكلها لما تكبر 20 سنة المفروض يكون ازاي؟!
لأنه هو ده شكلها دلوقت!! الناس دول للأسف هم المدخنين!

التدخين والكحوليات والمخدرات بتكبر العمر أكتر من كده كمان والعمر الكبير ده مش بيبان بس في كرمشة الجلد وتهدل الوش وكبر الملامح ، لأ ده بيبان كمان في الضعف الجسدي والكحة المتواصلة وتكرار العدوى وضعف المناعة وكثرة التعرض لجلطات القلب والمخ وطبعًا الضعف الجنسى.

أتمنى من كل قلبي ان يكون التطبيق ده خلاك لأول مرة تشوف شكلك لما تكبر في السن وماتكونش في الحقيقة “بسبب التدخين أو غيره” شايل وش مش بتاعك ولكن بتاع الشخص الكبير في السن اللي المفروض تكونه بعد 20 أو 30 سنة!

عموماً لسه فيه فرصة حتى لو بتدخن بقالك 30 سنة.
أول ما بتسيب السيجارة بتبدأ في التحسن ؛ فيه مراكز كتير شغلتها انها تساعد اللي محتاج يبطل تدخين أو مخدرات أو كحوليات اتصل بيهم عشان يساعدوك تنجح في الخطوة دي.

وأهم حاجة تبعد عن شركاء العادة السيئة أيا كانت تدخين ، مخدرات ، أو كحوليات.

ماتسيبش عمرك يروح منك.

Advertisements

د.محمد منصور

دكتور محمد منصور طبيب الباطنة والكلى مستشفيات جامعة ليستر - بريطانيا مؤسس فناة و موقع الدكتور
زر الذهاب إلى الأعلى