مقالات الرأي الطبيمعلومات طبية تم التحقق منها

كذبة الدكتور كريم على و البهار القاتل للدهون

Advertisements

و انا داخل اليوتيوب اتفرج قابلت الفديو الجديد لدكتور كريم على ” بهار فى كل بيت يسبب انتحار الخلايا الدهنية “

فيديو للطكتور كريم علي على قناة فكر تاني بيقول فيه ان الكركمين بيسبب موت وانتحار الخلايا الدهنية


الدكتور كريم على هنا بيحكى انه اثناء الاجازة لقى دراسه مهمة كان لازم يشارك معلوماتها معانا دراسة معجزة عن بهار بيقتل الخلايا الدهنية و هنقول وداعا للسمنه الدراسه خلته يقطع اجازته فورا ليشارك النصر العلمى الجديد بس انا قولت اما ادخل اشوف الدراسة المعجزة اللى الدكتور كريم على خصص ليها فديو ..


فتحت لينك الدراسه و ده على عكس اللى بيعمله معظم الناس و بدات اقرأ فيها اذا بى انصدم!
لقيت الدراسة معمولة على خلايا دهنية فى طبق و منقوعة فى محلول لمدة 48 ساعة تحت المجهر فى معمل فى تايوان الحقيقة انا صعقت دى متنفعش دليل اصلا علشان شخص يستشهد بيه على البشر

اللى بيحصل فى الخلايا فى المعمل غير جسم الانسان
انا هفهمك ايه المشكله هنا خلينا نضرب مثال :
تعرف دواء الملاريا الشهير البلاكونيل اللى كان بيعطى لمرضى الكرونا اهو الماده الفعالة اللى فيه عملوا عليها ابحاث على الخلايا و كانت فعالة فى قتل الكرونا لكن لما جربوه فى علاج المرضى فشل و اتعملت عليه دراسات ع البشر طلع ملوش اى فايدة
يعنى مش معنى ان الحاجة نفعت فى الخلايا هتفع فى البشر مقارنة بين التجربة ع الخلايا فى المعمل و التجربة ع البشر

مثال عشان نفهم الفرق بين الاتنين:

في المعمل : العلاج الخارق مدمر الكرونا
Conclusions: Hydroxychloroquine was found to be more potent than chloroquine to inhibit SARS-CoV-2
in vitro
فى البشر : ملوش اى فايدة اكبر دراسة فى بريطانيا
RECOVERY Trial : No clinical benefit from use of hydroxychloroquine in hospitalised patients with COVID-19

علشان كده الطريقة الوحيدة اللى نعرف بيها ان العلاج شغال او لا هل عمل تجربة على البشر نجيب مجموعة و نقسمهم بشكل عشوائى لمجموعتين ندى المجموعة الاولى برشامة العلاج و التانية برشامة الوهم و نشوف هل العلاج ليه تاثير ولا لا و ده افضل انواع الدراسات اللى عمله كريم على هنا انه خدعك و استخدم دليل ضعيف ع الخلايا فى المعمل علشان يبيع ليك منتج ب 680 ج اللينك تحت الفديو بتاعه الفديو عامل 400 الف مشاهدة لو 1000 واحدة صدق الدجل يبقى كسب 600 الف جنية طيب لو 10000 واحد يبقى كسب 6 مليون جنية انت فهمت ايه سبب الاستشهاد الغلط و بيع الوهم اية

منتج الكركمين الخاص بكريم على 685 ج
المصدر اليوتيوب

الخلاصة

احنا اتعلمنا هنا ان مش اى حد سواء دكتور او صيدلى يقولك دراسة يبقى تصدق علطول لان الدراسات انواع انت مش فار و لا خلية منقوعة فى المعمل انت انسان و ممكن اى شخص يخدعك و يستغل عدم فهمك للدراسات علشان يبيع الوهم ليك و يكسب ملايين منك

المصادر:

الدراسة اللى اعتمد عليها كريم على فى الفديو
https://www.ncbi.nlm.nih.gov/pmc/articles/PMC6836120/

Advertisements

Mohamed Gaber

اشارككم شغفى بالعلم و محاربة الدجل احارب بسيف العلم لو عايز تتعلم اساليب كشف الخداع و الدجل و التلاعب بالدراسات و معرفة الحقيقة من الخرافة تابع مقالاتى

اترك تعليقاً

زر الذهاب إلى الأعلى